Jafnt og þétt í gegnum árin höfum við stækkað í samræmi við okkar stærstu kúnna og vorum við stærstir í kringum 2018, þá 25 manns í vinnu. Árið 2019 urðu breytingar á eignarhaldi Lagnaþjónustu Suðurnesja ehf eftir snöggt fráfall Gunnlaugs Úlfars síðla árs, þá keypti Rúnar Helgason meirihluta í fyrirtækinu og kom svo sonur Gunnlaugs Úlfars, Þorfinnur Gunnlaugsson, inn í fyrirtækið með 20% hlut. Í dag erum  við 16 að vinna hjá fyrirtækinu þar af 3 Meistarar, 4 sveinar, 2 lærlingar og 5 verkamenn og  erum við að vinna við allt sem tengist lögnum, allt frá stórum götulögnum, nýlögnum, endurlögnum, sprinkler og alveg niður í að skipta um pakkningar.